連環黑仔事件簿!湯洛雯等馬國明下周返港呵番

20210416
東網電視
更多新聞短片
藝人湯洛雯(靚湯)出席無綫新劇《雙生陌生人》造型活動,透露近日忙於搬新屋,再加上唔夠瞓,以致面部生粒粒,更指為了慳錢,自己房間全是現成買入家具,被問到是否預計不會住太久?她笑說:「我有自己想像中嘅設計,一早搞掂晒,我會搬入去先,因為就嚟開工。」
靚湯還一手一腳砌家具,惟因太論盡弄傷自己:「嗰把?刀唔小心?到膝頭哥上面,即刻流血,都幾危險。(男友馬國明知唔知?)佢知我好論盡,冇乜特別感覺,試過喺商場我成個人趴咗落地,佢就捉番我起身,嗰刻覺得自己好瘀。新年前又跣胎炒車,好恐怖,但冇撞到人,只係個車頭爛晒。」
忙於減磅的她表示進度良好,但希望再下一點苦工:「劇入面我係馬德鐘嘅青春夢裏人,唔希望佢一擰轉頭見到個肥嘟嘟都嚇親人啦!」對於身在內地開工的馬國明,靚湯預告男友一星期後返港,問到屆時可會慶祝?她說:「我5月6號生日喎,不過到時都要開工,唔知慶唔慶祝到,好想去Staycation,不過佢有時間陪我都已經OK。(冇見咁耐好掛住?)OK啦,正常情侶咁囉!」