「千禧五虎」撼MIRROR？周嘉洛唯一呢樣嘢夠撼

藝人劉丹與周嘉洛在鰂魚涌出席樂齡科技活動。有指嘉洛獲無綫力捧為「千禧五虎」之一？他說：「未聽過，個人覺得腳踏實地去做，唔會諗力唔力棒。我係貓仔嚟啫，唔係虎，做好自己崗位先。（千禧五虎對撼MIRROR?）咁犀利，聽到都一額汗，如果係真係非常大嘅挑戰，唔好有期望，做好現階段嘅嘢先。（做得好同姜濤有得揮？）唔係啩，冇可能。」劉丹則說：「咁睇小自己？」嘉洛說：「咁又冇，但係做人唔可以咁囂張，要內斂啲，人哋欣賞就多謝畀面，自己講就無謂喇。（網民話五虎好out？） 要睇包裝，如果有啲新穎嘅諗法就唔會out，或者可以叫五貓。」

嘉洛又稱從來不會以對撼心態看待對手，希望與對手合作擦出火花，做出好作品。劉丹笑說：「你可以撼㗎，你個頭夠大。」嘉洛笑說：「公公講得好，唯一可以對撼就係個頭。」此外，劉丹透露平日也會用視像與孫女「小糯米」傾偈，但亦會限制孫女用電話的時間，他說：「佢都好聽話，同埋反而好鍾意睇書，佢Daddy買咗好多書畀佢，睇佢完1本又1本。」