「環球歌手」李幸倪（Gin Lee）、江海迦（AGA）、陳凱詠、趙浚承、曾比特等齊齊現身《勁歌金曲》錄影，身為大師姐的Gin Lee表示首次公司拉大隊出席《勁歌》，感覺特別，問到可有趁機指點後輩？她說：「唔會，佢哋有問題同意見先問我，我都冇大師姐感覺，都係做番自己，公司藝人比較多，今日我係少少大啫，身份成日變，都係做師妹爽啲！」

而Gin Lee於節目中除演繹偶像張學友歌曲向他致敬，還與同公司女高音劉卓昕合唱：「學友首歌令我諗起細個同爸爸一齊聽歌嘅回憶，藉住呢個機會唱畀家人聽，好掛住佢哋，已經好耐冇見。」