《還珠格格》蕭劍走晒樣!本尊發福大咗成個碼

20210417
東網電視
更多新聞短片
1998年版嘅內地神劇《還珠格格》捧紅咗趙薇、林心如、周杰,范冰冰等人,當年套劇一出,唔少人真係趕返屋企睇《還》劇電視撈飯。不過有小燕子有紫薇有爾康,點都唔少得一劍走江湖嘅蕭劍,而飾演呢位大俠係邊個?佢叫朱宏嘉。
當年嘅朱宏嘉演蕭劍非常瀟灑,成為唔少少女嘅夢中情人,咁佢依家近況係點?有內地網友近日就喺社交網分享同佢嘅合照,朱宏嘉久未露面,明顯發福唔少,減去瀟灑,多咗幾分佬味,唔講唔知佢就係當年嘅蕭劍。
朱宏嘉現年今年50歲,出生喺一個藝術家庭,父母都畢業於中央戲劇學院表演系。佢除咗喺《還》劇一「劍」成名外,2001年仲拍過武俠劇《武林外史》,去年亦有喺內地劇《在一起》演出。