謝安琪當個仔係朋友！珍惜被轟炸耳朵小時光

謝安琪（Kay）同張繼聰好重視一對仔女嘅成長，睇吓佢哋為咗囡囡入讀國際幼稚園，年花85,000元學費都一樣照畀，就知佢哋有幾緊張。依家大仔張瞻已經13歲，步入青春期，Kay當然想同個仔多啲互動，把握呢段時光。

佢哋兩母子一齊去咗文化之旅，帶個仔感受香港舊日足迹。Kay仲感性留言，當個仔係朋友一樣：「喂～我的好朋友~瞻波，喂～謝謝你呀，常常給我介紹，你喜歡的音樂、你喜歡的電影、你喜歡的動漫、你喜歡的運動、你喜歡的搞笑片......你所介紹的一切，我不是全部都很喜歡（很老實），但是我真的很喜歡。你常常這樣，像突然發現了天大的新資訊那樣，以最大馬力，全速衝過來，提高聲調，超大聲的，心急向我介紹你最喜歡的東西！」Kay話自己真係好珍惜被個仔耳朵轟炸嘅小時光，珍惜個仔每一個成長階段。

冇錯，張瞻依家已經同Kay差唔多高，再大啲就更加多自己嘅朋友，真係要珍惜當下呀！