一人分演兩角！陳敏之扮韓劇女主角笑到網民有腹肌

「索腿天后」陳敏之於2011年憑劇集《怒火街頭》，喺萬千星輝頒獎典禮奪得「最佳女配角」，佢嘅演技當然有番咁上下。為Show自己演技有幾咁出色，佢就一人分飾兩角，扮普通人嬲與韓劇女主角嬲有咩分別嘅短片，睇到Fans拍爛手掌。

敏之同「韓妹」敏之分鏡鬥戲，你一言我一語短兵相接，佢化身「韓妹」敏之時扮嬲，係咁講「呀」、「嘩」時更加入木三分，佢更作狀到好似氣喘咁咳，睇到人笑爆嘴。好多網民都叫佢拍多啲呢類型嘅片，等大家笑到有腹肌都好！