成功組女團出道！楊丞琳急返台灣竟然「過唔到關」

以踢館身份加入大陸綜藝節目《乘風破浪的姐姐2》嘅台灣歌手楊丞琳，尋晚喺「成團之夜」最終奪得約190萬票排得第3名，躋身最後7強成為女團「X-SISTER」隊員之一。凌晨佢喺社交網發文多謝其他「姐姐」及一班粉絲支持，仲特別點名感激好姊妹陳妍希：「當初參加《姐姐2》的動力，就是她。我和幾位沒有組過隊的姐姐們能夠有好交情，也是托她的福，所以，我一定要把成團的榮耀與她分享～」表示最難能可貴嘅收穫係友誼。

比賽後佢已經啟程返台灣，不過竟然遇上突發事件「過唔到關」，因為長沙太大霧，突然取消飛上海嘅航班，導致佢無法轉機返台灣，令佢忍唔住大呻：「我一夜沒睡，怎麼這樣坎坷！」