蕭正楠自責任性　唔聽黃翠如話被趕出門口？

藝人蕭正楠（阿蕭）同老婆黃翠如一向十分恩愛，呢日阿蕭就喺社交平台上載一張西裝骨骨坐門口相，分享之前去踢波，因為冇聽老婆話，搞到曬傷咗：「任性，不聽家中那個的說話，踢波前不搽防曬，結果曬傷了、黑了、皮掉了。」一眾圈中好友同網友梗係唔放過笑佢嘅機會，好友馬國明抵死串佢圖文不符：「套波衫好型喎......」搞到黃翠如都忍唔住笑到喊，洪永城亦謂：「套衫好靚喎，我又要！」又有網友笑佢：「被趕出門口」、「不聽老婆言，吃虧在眼前。」提醒佢以後要聽老婆話！