激死老婆女友系列！張繼聰張振朗互相荼毒買戰車

藝人張繼聰與好友張振朗同為電單車發燒友，近年更經常組團遊車河，呢日身為古董電單車狂迷嘅張繼聰就帶對方「入坑」，游說買新車：「隔籬嗰位，架車好襯你，諗得過！」仲笑指大家互相荼毒，而張振朗即「反擊」，落足嘴頭反Sell對方買車，並表示：「想做就去做啦，巴打，我撐你。」張繼聰笑指：「學到嘢」，張振朗則指：「我啲野（嘢）都係跟你學。」唔少網友立即向張振朗女友楊偲泳「通風報信」，叫佢好好睇實男友荷包。