何雁詩鬧市玩流動Live　陳瀅獻聲想做歌手？

歌手何雁詩（Stephanie）忙於宣傳自資的新專輯，日前她連趕3站，更租了一架流動車走到旺角、尖沙咀鬧市玩Live，吸引大批市民、粉絲圍觀，場面熱鬧，老公鄭俊弘仲幫她彈結他伴奏，在尾站她的兩個好姊妺陳瀅、蔡思貝（Sisley）突然現身撐場，令Step非常驚喜。

Step回覆東網說：「本身我唔知Sis嚟，陳瀅就話收工睇吓趕唔趕得切，Sis仲買咗花嚟，配合番我專輯名Que Sera Sera。」去年她在流動車做過一次Live，但當時疫情嚴峻，停泊喺好偏僻的地方，冇乜人，今次好開心呀，雖然之前好擔心唔知泊喺邊唱，因為有好多變數，但好彩順利，陳瀅仲陪我唱《灰夠》。」

她笑說：「佢之前已同我講如果佢嚟一定要唱歌，佢好想唱，好似我逼佢咁，佢事前都冇練過，（點解佢咁想唱？）唔知佢喎，佢成日話要唱歌，仲講笑話要做歌手，可能畀佢圓一圓歌手夢，（佢唱得好聽？）佢唱咩我都覺得好聽啦。」