過萬張逐一篩選！劉俊謙親自手製相簿送蔡思韵

藝人劉俊謙被視為男神，不過他就自認普通，但承認自己有少少貪靚：「如果出街嘅話，我都會花時間打扮，反而女友（蔡思韵）唔會花太多時間去打扮，相比起嚟，我比佢姿整啲。（會唔會偶像包袱？）我冇，我從頭到尾都唔覺得自己係偶像。」他指跟女友的品味相似，大家會一齊Shopping。

講到互相送過最難忘的禮物，他說：「收過最難忘係一隻手錶，因為我一直以來都冇手錶，我有選擇困難症，買唔到啱心水，有日佢送咗一隻好啱我心水嘅手錶畀我，我知佢之前做咗好多資料蒐集同問咗好多朋友意見。我自己就送過一本自製嘅相簿畀佢，我花咗幾星期去做，將過萬張相分門別類同篩選，我個人有時有啲老土，我覺得自己去製作一樣嘢係超越金錢。」