蔡少芬細仔論盡倒瀉嘢飲　親自抹地勁有手尾

藝人蔡少芬（Ada）不時於社交網分享同仔女嘅相處點滴，呢日佢拍片大爆細仔張樂兒（魚蛋）論盡蝦碌一面，片中見魚蛋於商場打算將手中飲品放入垃圾桶棄置，豈料途中竟唔小心倒瀉，搞到成地都係，場面搞笑。不過魚蛋佢勁淡定，完全冇扭計，而且冇叫媽媽幫忙，反而自己主動拎紙巾將地板清理乾淨，即獲唔少網民大讚乖仔、有手尾，但亦有網友見佢抹地時成個人跪喺地上，指公眾地方難免有細菌，提醒蔡少芬要小心注意BB衞生。