龔柯允簽約做陳展鵬師妹 咩事感觸到喊?

20210419
東網電視
更多新聞短片
龔柯允成為陳展鵬師妹。
歌手龔柯允(Karen)現身電影《等一個擁抱》欣賞會,並宣布加盟「天盟娛樂」成為視帝陳展鵬師妹,獲海俊傑、女子組合Bingo成員Odilia(陳康琪)、組合BOP天堂鳥成員許俊豪及葉灝基等現身撐場,期間Karen獲贈結他,談及從馬來西亞來港追夢唔容易,更一時感觸落淚。
加入組合Bingo?
曾參加ViuTV選秀節目《全民造星III》,她透露比賽期間,留意到Odilia獲得公司同事悉心照顧,了解過後,她認為與其公司的理念很相似,後來便順理成章加盟:「公司畀好多自由度我,以前太多時間一個人做晒,冇乜時間創作,所以依家簽咗公司,開始要寫多啲歌。(加入組合Bingo?)都可以,但擔心高度會拉低佢哋。(想唔想拍劇?)想呀,仲想唱劇集主題曲,希望可以同師兄展鵬合作啦!」
唔覺Carman倒戈
Odilia對於拍檔關嘉敏(Carman)簽約無綫,被網友指倒戈,她力撐對方說:「又唔可以咁講,作為藝人都可以去唔同平台,我哋仍然係Bingo。(你會唔會簽無綫?)要等公司安排,冇特定要簽邊度,相信公司會有好嘅方向畀我。」