陳煒演出母子情　勉勵15歲「仔仔」讀好啲書

藝人陳煒（煒哥）主演劇集《黯夜守護者》前晚終於煞科。劇組於中環航拍，務求將靚人靚景攝入鏡頭，煒哥大感新鮮：「原來市區航拍，全港得一位人士有牌照，今次係特登請佢嚟幫手嘅，出嚟效果真係好好。同埋我哋扮演警察嘅演員都有份參演最後一場戲，同劇集開拍時一模一樣，算係首尾呼應，真係好熱鬧。」

戲中煒哥有個囝囝，找來15歲的小演員楊凱博出演，經過連月相處，「母子情」甚佳。煒哥表示﹕「佢好鍾意拍戲，又同啲工作人員熟咗，有約打籃球，我就同佢講趁煞科就畀心機讀好啲書先。（上契？）唔會，要同佢『脫離關係』添呀，哈哈！」煒哥又表示將休息到月底才投入另一新劇拍攝，故會好好利用這段時間休息兼扮靚。