米雪送廖啟智最後一程:最懷念佢嘅跑步英姿

20210420
東網電視
更多新聞短片
藝人方中信、鮑起靜、米雪出席廖啟智安息禮後接受訪問,神情哀傷的鮑起靜指儀式安詳和溫暖,大家雖然很悲傷,但抱着祝福的心情送別智叔。
米雪表示最懷念智叔的跑步英姿,她說:「智叔跑姿好靚,記得自己初初加入,佢好照顧我。」方中信一度哽咽不能說話,片刻後續說:「同智叔合作電影《無雙》後,周潤發叫大家一齊跑步,已經4年,睇住佢好開心、好開朗,直到佢離開我哋,真係好唔捨得。(最後幾時見面?)最後一次見面係上年11月尾,冇去醫院探佢,唔想騷擾佢,都知道佢呢個病唔係容易醫好。(送別智叔最後一程已經冇遺憾?)冇遺憾,大家一齊跑步呢幾年,睇住佢個人變得開朗、開心。」
鮑起靜則說:「相信我哋以後跑步,智叔都會喺我哋身邊,我跑步係C組,佢係A組,但係成日都會來來回回睇吓我哋。(最欣賞智叔乜嘢?)佢對工作揸得好實,唔容易放棄,同佢一齊做舞台劇,佢每場戲都演得好穩,好犀利,同埋好關心電影圈嘅發展,真係好熱愛電影工作。(智叔遺願拍電影?)一定會拍得成,大家一呼百應。」問到可擔心陳敏兒的情況?米雪表示:「唔擔心,佢好堅強,喺儀式上帶領我哋送別智叔。」