徐若瑄同「奇洛李維斯」Jam歌！網友：開演唱會啦

台灣靚媽徐若瑄（Vivian）自嫁人生仔後，並冇荒廢唱歌，對音樂依然充滿熱誠！大家都知佢同音樂才子王力宏向來Friend底，Vivian就邀請對方一齊Jam歌，仲上埋佢屋企添！

只見王力宏留晒鬚，多咗一份藝術家氣質，個樣激似奇洛李維斯，佢今次就負責彈結他；另一名友人就負責彈Keyboard；Vivian當然負責做主音啦，佢留言：「鋼鐵V家音樂小聚會，開薰（開心），我怎麼被王同學彈起來變那麼帥！我要多練習了我！」網友見到Vivian咁有心搞音樂，就叫王力宏快啲寫歌畀Vivian，仲有人叫佢哋搞演唱會添！