劉濤告別重口味角色！老公王珂晒劇照閃盲人

內地女星劉濤2007年閃婚嫁給富商王珂，雖然一度淡出幕前，專心相夫教子，不過佢近年頻頻接劇，傳係幫老公還債，仲不時傳出佢哋婚變添。不過傳聞歸傳聞，其實佢哋兩公婆不知幾恩愛，劉濤喺社交網發文，告別佢主演套歷史劇《大宋宮詞》入面嘅重口味角色「劉娥」，王珂即晒出老婆嘅劇照，證明自己有睇老婆作品，間接晒恩愛，閃盲唔少網民。