拍古裝畀導演嫌肥 陳瀅食菜日減1.5磅

2021年04月21日 23:42
東網電視
更多新聞短片
陳瀅話每次喺加拿大返香港都會肥咗。
藝人陳瀅有份參演的抗疫電影舉行首映禮,她笑言:「去年尾返溫哥華探屋企人,返嚟隔離完就為電影開工喇,只係當時疫情爆發,所以低調啫。其實每次由加拿大返香港都會肥咗,相信陣間大家睇戲,都會留意到我暴肥。」
談到即將開拍古裝劇,她表示已試造型:「我演類似女將軍嘅角色,啲衫十層厚,首先就覺得好熱啦,導演睇完我個造型,投訴我好臃腫,希望我減10磅先開工,我惟有控制飲食,依家淨係食蔬菜,1日已經減到1.5磅。」
提到今次於電影內,與兩大男神張智霖及張繼聰有頗多對手戲,她表示相當興奮:「尤其阿聰係我嘅偶像,之前大家合作《四個女仔三個BAR》後,我每逢工作上嘅難題都會打畀佢請教,佢嘅意見好有用。(有關感情問題都搵佢?)又冇,呢啲問番女仔朋友好啲。」