馮盈盈「0642」都未瞓！曲線致敬高比拜仁

已故NBA巨星高比拜仁曾經講過：「你看過凌晨4點的洛杉磯嗎？」喺馮盈盈身上，其實都有機會講呢句嘢！盈盈近年成為圈中大忙人，亦係話題女王，無論主持、拍劇都有佢份，真係開着部電視都見到佢。

而佢亦喺社交網講出辛勞工作嘅心聲，晒出從房裏影出窗外嘅海景相，留言話：「終於可以上床瞓覺，日日開工通宵達旦，忙到瞓覺都無時間！」更見到相中下方顯示為「0642」，即係成晚冇瞓過。冇錯，盈盈依家真係可以同大家講句：「你有看過0642的香港嗎？」好多網民都叫佢要好好休息，如果唔係會好快殘！