好敬業!容祖兒失聲抱病堅持出活動 粉絲大呼心痛

20210423
東網電視
更多新聞短片
樂壇天后容祖兒最近密密北上搵人仔,最近於內地真人騷《乘風破浪的姐姐2》與多位姐姐們大鬥法,以第4名姿態出道,即與經理人霍汶希(Mani)瘋狂食大餐慶祝,食得多好嘢,都會想食鹹魚白菜,日前主動向Mani要求食油炸鬼配豆漿,網民大讚天后夠晒貼地。
未知係咪早前比賽操勞過度,容祖兒食完油炸鬼就病倒失聲!不過就算抱病仍然堅持出席英皇娛樂大灣區總部正式落戶廣州嘅揭幕活動,喺台上仲堅持致詞,相當之敬業。一眾粉絲戥佢心痛,叮囑佢要好好休息、養好身子,因為成團後必定有好多活動同演出,加油呀!