歌手龔柯允（Karen）最近加盟新公司天盟娛樂，成為組合Bingo成員Odilia（陳康琪）嘅師妹，喺馬來西亞出世嘅佢，早前喺家鄉運咗箱貓山王榴槤來港，佢親自送上門慰勞公司一班同門，睇唔出細細粒嘅佢手起刀落，話咁快就成功開咗個榴槤，真係唔打得都嚇得吓喎！

佢話：「好開心可以加入呢個大家庭，一直以嚟自己都係單打獨鬥，入到新公司真係好窩心，同事們都好照顧我。上次記者會大家出心出力，我知佢哋都好鍾意食榴槤，所以就為佢哋預備咗呢份禮物喇！」