趙麗穎回復單身機會嚟？有網民叫陳曉離婚追「舊愛」

內地女星趙麗穎與馮紹峰尋日宣布離婚，受到全城關注，佢哋喺聲明中話會共同撫養孩子，又各自喺社交網同對方講：「願未來更好！」好一句未來更好，有內地網民即喺曾與趙麗穎傳過緋聞嘅陳曉社交網留言，話希望陳曉同陳妍希離婚，咁陳曉就可以追回趙麗穎，認為佢哋先係天生一對。

其實陳曉同趙麗穎喺2013年拍內地劇《陸貞傳奇》傳出緋聞，雖然佢哋從來冇公開認愛，但陳曉接受訪問時嘅行為似係默認戀情，不過佢哋最終各自宣布結婚，呢段緋聞先至無疾而終。

如今趙麗穎變回單身，有唔少網友認為陳曉應該先離婚，再追回趙麗穎，咁先可以幸福美滿。不過另有網民認為叫陳曉離婚嘅人好黑心，畢竟陳曉與陳妍希已有小朋友，加上佢哋都好恩愛，點解要佢離婚搞大龍鳳！