16年後再開紅館騷 莫文蔚唔介意海報被惡搞

20210424
東網電視
更多新聞短片
莫文蔚相隔16年,在紅館再度開唱。
憑歌曲《呼吸有害》橫掃各大頒獎禮成為「大滿貫」歌手的莫文蔚(Karen),為6月的演唱會舉行記招,講到16年沒在紅館開騷,她預告這是最後一次進行傳統式的巡唱:「以後唔會傳統走tour,今次叫『絕色』,有咁絕得咁絕。(海報被惡搞?)哈哈,真係絕招,冇得再絕,海報由網球運動員嘅方面出發,大家創意澎湃,令我喜出望外,正!」
她又謂演唱會結合運動元素,亦會推出NFT(Non-Fungible Token不可代替代幣)的加密收藏品,而之前的海報是其中一款卡。她又預告今次演唱會有一半以上內容是新的,會唱多首廣東歌。席間又宣布之前推出的《呼吸有害》慈善CD,為「香港電影工作者疫境支援計劃」籌得15萬,以及宣布加開13日一場,合共3場演出。
受訪時Karen對於加場好開心,問到是否已開始操FIT大計?她表示:「少少,仲有好多前期工作,依家如火如荼。」她又笑言老公最近從德國回來:「反而係佢操我,逼我做運動再fit啲,佢會留低睇埋演唱會。」問到可會叫埋老公上台?她笑言:「諗吓先,未度到。(叫佢唱歌)唔好啦。(合唱?)其實我哋喺英國時,喺屋企都有4手聯彈。(到時一齊表演彈琴?)睇吓有冇時間練先。」
講到江美儀在綜藝節目《開心大綜藝》扮她唱《呼吸有袋》,她笑言:「我有睇呀,扮得幾好。(似唔似?)神韻都捉到。」而講到之前演唱會海報引起很大回響,她笑言:「其實真正海報今日先出,之前嗰張係彩蛋,切合NFT畀人儲吓。(海報係咁被人惡搞?)我有睇呀,覺得好精彩,香港人好有創意, NFT同數碼藝術好有關係,二次創作都係網上藝術,好正。(冇嬲?)冇諗過大家咁熱烈,我都受寵若驚。(老公有冇睇過?)有呀,其實都係gimmick,最重要係演唱會嘅內容。」