自毀男神形象！姜濤獸性大發咬193乳頭勁狼死

東網電視

人氣一直高企嘅姜濤，係好多少女嘅偶像，不過佢最近喺ViuTV《考有Feel》中，竟然自毀男神形象，於「『風』狂大決鬥」遊戲中，獸性大發，為咗阻止對手ERROR贏出比賽，搏到盡攻擊ERROR嘅阿Dee（何啟華）及193（郭嘉駿）！

姜濤一嚟就衝去擒住阿Dee，仲抽起對方對腳，令一向Man爆兼黑黑實實嘅阿Dee倒吊離地，非常誇張！之後姜濤再攻擊193，不惜露腩又露底，先嚟咬住對方隻腳，之後再直撃要害：咬乳頭！搞到193大嗌：「我粒Lin呀！」成為受害者嘅193搞到爛身爛勢，露出超長「美腿」，之後佢向鏡頭展示乳頭傷勢，爆笑！

而喺另一集中，姜濤同阿Dee又再格鬥，再露出真面目施展鉸剪腳並咬阿Dee大髀，事後連主持人小儀都話：「我記得嗰日其實我哋連廠都熄埋燈，佢哋都仲格鬥緊㗎！不過出街冇播出嚟咋。Dee~~~~你好慘呀！」

on.cc東網