劉畊宏女兒小泡芙大個女　唔再係BB！

內地真人騷《爸爸去哪兒》大受歡迎，捧紅過唔少星二代，好似陳小春兒子Jasper、劉畊宏女兒小泡芙、吳尊女兒NeiNei等。節目播出差唔多4年，小泡芙都大個咗好多！

日前，劉畊宏喺社交網晒出小泡芙嘅短片，段片係劉畊宏教大家點樣帶小朋友放電，佢哋去到公園玩，小泡芙踩住單車出現，見着住校服嘅佢頭髮長長，baby fat少咗，少女味多咗！之後佢再去玩單槓，擒嚟擒去，非常活躍！網友們都大嘆時間過得真係快，小泡芙唔再係劉畊宏手抱嘅BB喇！