全面戒甜行內衣騷　樂宜最愛收藏靚Bra

藝人樂宜、黃凱儀（波波）、李文潔（肥妹）及陳紫芊於沙田為《一田櫻之魅力內衣騷SHOW》行騷，吸引大批龍友到場，逼爆現場！4位女生以34C樂宜身形最均勻，波波勝在「胸狠」！樂宜受訪時透露：「今次準備時間好趕，得一個禮拜時間極速減肥，平日鍾意食甜品嘅我要全面戒甜、戒澱粉質，食得清淡啲，仲要每日健身。」

她指自己是首次為類似活動擔任模特兒，心情難免緊張。問到是否最緊張打底？她表示：「我着咗兩條內褲，T back打底，因為驚好透，影咗（走光）相就有新聞出嚟！」她又指穿泳衣與內衣始終不同：「內衣設計冇包得咁多，線條出晒嚟。」

談到收藏性感內衣，她直言是自己興趣：「屋企大大話話有兩個櫃，見到靚嘅就買，我仲會配飾物好似喱士兔仔耳嚟着。（着畀人睇？）有時自己着畀自己睇都好開心。」