世紀合唱！吳若希菊梓喬重演攞「女歌星」獎一刻

屢傳不和的「星夢」兩位姐級歌手吳若希（Jinny）及菊梓喬（Hana），今晚於《勁歌金曲》來個世紀「破冰」合唱，為觀眾帶來驚喜！二人還Crossover演繹雙方的名曲，連主持糖妹也表示今次演出絕對是「只此一次」及「今期限定」！不過演出期間，她們似乎各有各唱，鮮有交流，難怪演出完畢後，Hana被取笑未有正視Jinny，Hana則解釋：「我係望佢個嘴！」及後她們更被要求重演2019年Hana奪「最受歡迎女歌星」一刻，坐於旁邊Jinny的誇張大笑13秒的經典場面，又叫二人互換身份演一次，結果Hana秒速攬實Jinny傻笑，避過尷尬場面。

Hana接受訪問時表示：「係第一次同台合唱。（你哋啱唔啱Key？）我就係偏低，佢就正常Key，之前錄音時，我哋都試咗7個Version，結果用咗呢個。（用行動粉碎不和？）都冇不和，不過我係宅女，所以私下都冇約佢再食飯，但係見面時一定會打招呼。」