何雁詩《勁歌》被批爆喊真相　原來係…

歌手何雁詩日前被爆在《勁歌金曲》中因唱歌被狠批而爆喊，她受訪時解釋另有原因，因當日在席上見到帶她入行的伍樂城，想起當初參加《超級巨聲》一時感觸而落淚。今日《勁歌金曲》播出，終於有足本版可以睇，當何雁詩唱畢新歌後，伍樂城認為她可以唱得更大膽，何雁詩聽到對方評語已忍不住流眼淚，她說：「好感動，感恩有伍樂城出現，因為係佢叫我參加《超級巨聲》，冇佢我入唔到行。」

不過，何雁詩當晚的確有被批評，其中有評判直指：「我好唔鍾意首歌，因為好平庸，我唔懷疑你嘅唱歌能力，但首歌唔會令人留下印象。」又指她憑這首歌曲在樂壇的洪流中絕對會輸，揚言機會不容易有，若再多幾次還是這樣就會「拜拜」。何雁詩聽後很禮貌地表示多謝對方的意見。