楊冪許凱當街啜爆引百人圍觀 事後抹嘴抹足3次

2021年04月26日 12:02
東網電視
更多新聞短片
內地女星楊冪同細9年嘅小鮮肉許凱為新劇《愛的二八定律》開工,早前就已經被網友晒出拍攝花絮,今次2人扮演情侶,「姊弟戀」被一致睇好,近日佢哋更加嚟到當街錫錫嘅戲肉,楊冪低V短裙OL裝上陣,露上迷人筷子腳,仲一臉情深翹實許凱手臂,幾咁甜蜜,不過重點當然係佢兩個交換口水嘅情節!
二人肉緊咀逾22秒嘅片段被網友拍低放上網,見現場人士個個睇到尖叫,態度專業嘅楊冪就絲毫未有被影響。而許凱一拍完啜嘴鏡頭後,竟然拎出紙巾抹嘴足足3次,不過同時佢繼續同楊冪吹水,過程中二人一直打鬧,似乎關係唔錯,令唔少網友都戥楊冪男友魏大勛擔心,驚楊冪同許凱會唔小心撻出愛火。