馬賽改名馬菀迎　孖小鮮肉拍青春劇嗌期待

33歲前港姐馬賽早年離巢無綫返回內地居住，2019年與圈外老公結婚，同年誕下1女。近年活躍於社交網，除拍片分享到影片社交平台，早前宣布復出拍劇，再戰演藝圈。近日出席新劇青春科幻劇《火星孤兒》開鏡拜神儀式，久違冇拍戲嘅佢拍片表示期待，仲話會努力減肥，以最佳狀態示人。劇中與多位小鮮肉合作，就算佢已為人母，但絕對不比其他女員遜色，童顏樣依然Keep得好。

最值得留意，原名為司馬賽兒嘅馬賽又改名，喺另一套劇集《海洋之城》嘅宣傳照中，以馬菀迎為名字，可能擔心觀眾未適應，下面仲有括住馬賽個名。今次改名好低調，未有大肆宣布，亦未有更改社交網帳戶名，唔知係咪只係第2個藝名呢？