李璧琦受粉絲邀請網上教唱歌：有啲嘢唔係為錢

藝人李璧琦下午到電台接受訪問，透露早前應慈善團體之邀，與中年人及長者暢談音樂，氣氛相當愉快：「我話畀佢哋聽，有研究顯示唱歌可以釋放安多芬、提升免疫力，效果比做運動更加好，亦會增加人與人之間嘅溝通，跟住就有長者同我講，睇嚟唱歌好過打麻雀，哈哈！」

原來她堅持每天都練唱，亦會與丈夫在家「開騷」，她笑言洗手間是最佳的練歌房，且透露有機會寓娛樂於工作：「近排有粉絲喺社交平台搵到我，請我喺網上教身處加拿大嘅小朋友唱歌，家長話佢哋學得好開心，而且有明顯嘅進步。（對住電腦教學有冇影響？）起初我都冇信心，但依家教咗幾個月，成績算唔錯。其實我畢業到依家，都冇停止過教學，有啲嘢唔係為錢嘅。」

她又指新歌於電台正式上架，同時又聞得有樂評人大讚她堅持理想，相當感動，希望日後能夠繼續為樂壇「做啲嘢」，給人認識拍劇以外的李璧琦。