搵衛詩雅慰藉頂替連詩雅！陳家樂：好開心好穩定

藝人陳家樂及衛詩雅出席英皇電影《感動她77次》首映禮，講到2人黑白打扮十分相襯，詩雅即謂：「我哋冇夾過㗎，佢成日跟住我，又跟我住邊。」問到可是搬了屋？家樂只謂：「因為佢成日對投資有研究，我唔係好熟，我依家都跟佢煲韓劇，我哋睇完劇會喺度互相慰藉，討論劇情。」問到可是寂寞要搵人慰藉？家樂即笑言：「夜晚無聊吖嘛。（因為女朋友連詩雅唔喺香港？）低調，唔講呢啲啦。（佢喺社交平台隔空送心心畀你？）咩呀，總之好開心、好穩定，我講我個人呀，哈哈。」然後他扯開話題謂拍完《金手指》有1個月得閒：「所以就每日做運動，又煮嘢食同煲劇，都大隻咗好多。」

詩雅亦大讚他大隻：「我都有跟佢健身，做到手痛仲有問佢借按摩槍。」家樂即乘機向她追數：「佢都仲未還按摩槍，成萬蚊㗎。」詩雅即笑言：「佢支按摩槍好嘈，開咗好似洗衣機咁，太重又要搵人幫手用先得。（叫家樂過去幫你咪得？）唔好啦，佢太惹火，好危險！」家樂即不想她再講下去：「按摩槍唔使你還啦！」場面搞笑。