章子怡加持仲大鑊!汪峰又發功 娛圈必有大事發生? 

2021年04月29日 09:06
東網電視
更多新聞短片
內地女星趙麗穎與馮紹峰日前宣布離婚,然而章子怡老公汪峰喺「趙馮」宣布離婚3日前公布演唱會詳情,心水清嘅網民已經話「汪峰定律」又發作,神預言娛樂圈必有大事發生!尋日汪峰又出招,喺社交網公布巡唱首站鐵定於7月3日喺蘇州舉行,真係睇到人「心寒」!
佢老婆章子怡已經好識做,轉載汪峰貼文,仲留言:「峰哥發博要謹慎啊!」擺明知道有事發生啦,誰不知尋晚羅志祥(小豬)真係又有嘢講,爆料話有大八卦,點知小豬只係玩嘢,擺張「大八卦」相。不過,網民真係覺得「汪峰定律」係必會應驗,網上已經討論呢幾日會有咩事發生,大家真係要拭目以待!