【肯定溝死女？】唔使千杯不醉！拆解調酒師迷思

講起調酒師，唔少人嘅第一印象都係酒量好好、好Chok、溝死女，但原來調酒師係一種幾感性嘅職業。今集《跟琪流行》就搵嚟調酒師阿樂，為大家拆解呢個職業嘅迷思。阿樂直言調酒師都係一份台上一分鐘，台下十年功嘅工作，佢自己就曾經練習過百次，只係為咗完美掌握一杯酒，所以每啖酒背後，都注入咗調酒師嘅心血同熱誠。佢又指調酒師唔一定要千杯不醉，即使滴酒不沾都可以成為調酒大師。

阿樂工作嘅地方，更係全港第一間Sustainable Bar（可持續酒吧），由裝修、食材到處理廚餘都以環保為大前提，為保護環境同地球行多幾步。而喺節目入面，阿樂仲會教主播嘉琪整一杯名為「Penicillin（盤尼西林）」嘅現代經典雞尾酒，想知呢杯酒有咩特別，就要睇今集《跟琪流行》喇！