朱智賢變山系女神　攀上岩壁打卡勁牙煙

無綫咪神朱智賢去年因偷食人夫被雪藏期間迷上行山，不但行勻港九新界各區熱點，更愈行愈勇玩危站！想當年拍攝節目《天與地》時挑戰廣西天坑爆喊嘅佢，今時唔同往日，佢去到鳳凰山羅漢脊一帶嘅一樹洞，其中佢攀上岩壁站於一小塊碎石上打卡影靚女相，雖然見佢大擺甫士騷長腿表現輕鬆，不過其四周並沒有石頭、扶手作支撐，而且位置懸浮半空，相當牙煙。唔少網民都感到驚嚇，問佢係咪企跳，就連近日主持《野外步出》嘅「行山達人」好友方紹聰都表示不敢嘗試：「冇你咁大膽。」