排骨仔變大隻！周柏豪晒20年前半裸照衝擊網友

圈中型男周柏豪一向都係港男潮流指標，近年佢升呢做老竇後，反而愈嚟愈弗，尤其喺演唱會前後均落力做Gym，由本身高挑Model身形，變做爆肌大隻仔，點知佢尋日就忽然自貼「黑歷史」，晒出2001年時做救生員嘅相，佢更加上載同2019年開騷嘅半裸照做對比，衝擊網友視覺！

2001年嘅佢，雖然靚樣Keep住Chok，不過「排骨仔」身形，同依家爆肌身形對比強烈，加上佢「怒髮衝冠」髮型充滿年代感，半咬唇表情比佢嘅輕量級腹肌更為搶鏡。而依家嘅佢，有健身操靚線條，成個人明顯大隻咗成個碼，胸肌、腹肌同二頭肌盡現，身形弗爆！