李文潔失落口罩小姐照樣有騷　着內衣見人冇有怕

模特兒李文潔（Liz）雖然落敗「最後一屆口罩小姐」，但憑均勻的身材迅即被睇中行內衣騷，早前就與藝人樂宜一起行騷，她大讚樂宜身材好、人又靚：「我哋有傾偈，佢好Nice，身材好結實，係健康運動型女仔。」對於穿內衣示人，Liz本身以為會好緊張，到真正行騷時心情十分輕鬆，換衫時服裝師又好細心睇住，故感覺安全無蝦碌。

Liz說：「對上一次行內衣騷起碼6、7年前，第一次對住商場咁多人，嗰次就好緊張嘅。但經過呢幾年，都習慣咗對觀眾，可以好輕鬆好開心咁完成。過往呢個騷都請啲好靚model行，一直好想參與，今次有份真係好開心，酬勞係開心滿意。（想接多啲、賺多啲？）都唔會淨係睇錢，唔同工作都想試吓，時裝catwalk或者主持節目，都想去試吓。」