Gordon原來係男版蔡卓妍　愈大愈似鄭伊健！

組合天堂鳥（BOP）宣布解散，成員Gordon依家就作個人發展，呢日佢就喺社交平台上載咗張型仔相，見到佢身穿紅色皮褸，入面就似乎真空上陣，有眼利網友發現佢竟然同鄭伊健撞樣，2人又係梳中分髮型兼着紅色皮褸，樣貌同造型驟眼睇真係有8、9成似，佢笑言：「個個都講我似佢！」

佢笑言仲曾經畀人話似蔡卓妍（阿Sa）：「其實喺10幾歲嘅時候成日都畀人話似男版阿Sa，唔知係咪因為本身阿Sa同鄭伊健都有啲似樣，所以到我開始有少少男人味嘅時候就好多人話我似佢，自己都好開心！（想同佢合作？）我都好想好似鄭伊健咁有代表作（《古惑仔》系列），如果可以有機會嘅話我都好想同佢合作，做佢細佬都好呀！」