帶老婆見舊愛lvy？黃德斌咁樣講…

藝人黃德斌今日58歲生日，工作中度過的他現身AMM網劇《逐流時代》拜神儀式，表示有向劇組要求早收工，晚上將與太太及幾位朋友出外慶祝。

談到劇中與麥子樂及麥明詩的三角關係，德斌坦言非常複雜：「劇入面我都好多異性埋身，同麥明詩有親熱戲，但激情戲就留畀啲後生嘅麥子樂啦！」談到早前被拍到與舊愛lvy密會放狗，問到現時是否謝絕異性埋身？他說：「都唔關事，我呢啲樣凶神惡煞。（下次見lvy叫埋老婆？）老婆得閒先啦，其實都冇咩特別。（上次跪好耐玻璃？）哈哈！都唔係，跪到依家啩！」

黃德斌與姜濤同月同日生日，「姜糖」鋪天蓋地為偶像慶祝，黃德斌則靜靜地與友人食飯慶生，對於有此對比，黃德斌大方表示：「幫我同姜濤講聲生日快樂！」