陳倩揚2年減30磅　除咗做運動仲靠咩？

藝人陳倩揚、李雨陽、李麗珊及方健儀出席電影《冬日浪漫》慈善首映，陳倩揚透露老公幫忙照顧家中3個小朋友，令她得以出外工作。將於暑假推出健康飲食書籍的她，表示下周將在廚房取景拍攝：「之前喺網上開咗個群組，有12萬粉絲，分享自己健康減磅方法，好開心連銀髮族都有成功例子，我自己喺2019年開始減，當然要配合運動，結果減咗20幾30磅，依家保持49公斤（108磅）。」

李雨陽獲太太送名錶

曾經營兩間食店的李雨陽，則表示基於疫情關係，再加上細女出世，與其他股東商討過後，最後蝕錢退股離場。談到今年母親節，他笑指太太送他一隻名錶：「因為小朋友出世後，我身兼母職照顧屋企，覺得太太生兩個已經走過鬼門關，所以生活上嘅嘢由我男人做啫！咁太太見手上有啲盈餘，就當作投資落去，第時留畀個仔18歲戴，或者等升值當教育基金（你送番咩畀太太？）未諗，仲有時間。」