鹿晗蒲吧到凌晨5點 朋友帶辣妹分開走掩人耳目?

2021年05月01日 09:09
東網電視
更多新聞短片
鮮肉男星鹿晗日前31歲生日,有內地傳媒就影到佢同朋友到酒吧蒲天光,更被指「跟妹子玩通宵」,隨即引起熱議,而「鹿晗去酒吧」更火速登上熱搜榜。影片中鹿晗被拍得玩到凌晨5點,天色都開始光,佢離開後,好友又帶兩個辣妹出嚟,被質疑掩人耳目,不過全程就唔見佢女友關曉彤。
對於蒲酒吧一事,鹿晗工作室尋晚(30日)發文以正視聽:「鹿老闆私人時間正常社交,看圖說話沒意思。」好多網民都留言力撐鹿晗,認為同朋友玩通宵冇乜問題,仲話:「都是成年人了,不能去酒吧?」、「這都2021年了,成年人去個酒吧都有人說!」仲有人指嗰日係鹿晗生日Party,有異性出現好正常!