容祖兒「骨妹」上身！推拿手冠絕娛圈

天后容祖兒上完內地真人騷《乘風破浪的姐姐2》冇停低休息，反而繼續接唔同商演密密吸人仔，最後因休息唔夠搞到病咗，依家先好番少少！不過佢原來做推拿有一手，仲喺社交網大晒「骨功」有幾勁！見祖兒喺片中幫個Friend按肩頸，手勢相當純熟，佢仲有一招獨門絕技，就係運氣傳入對方體內，雖然唔知Work唔Work，但真係功架十足，就連好姊妹阿Sa（蔡卓妍）都畀哈哈笑Emoji畀祖兒，網民都大讚佢推拿手冠絕娛圈！