疫境音樂室零收入　梁安琪：好彩我打不死！

前唱片騎師梁安琪（Angel）為自己經營的音樂室，慶祝成立7周年，並舉辦線上音樂會。受訪時她坦言去年受疫情影響，導致音樂室零收入：「所有綵排同夾Band都取消，成日得我自己坐喺度，間中有朋友上嚟玩吓咁，好彩我份人打不死。（冇收入點經營？）靠積蓄支撐囉，我仲好揼本，換晒啲靚嘅音樂器材，用咗成10幾萬。（肉痛？）係㗎，好彩成功戒咗買名牌，以前每個月喺廣東道數10幾萬貨，依家我已經有幾年冇喺美國買衫，留番啲錢嚟經營音樂室。」

她透露早前在大埔舉辦音樂會相當成功，故預計夏天會「捲土重來」：「今次應該輪到喺新界西區舉行嘞。其實我都想畀機會年輕人，所以今晚音樂會會有3對年輕人組成嘅樂隊演出。」