湯駿業憶當年同王祖藍豪言：畀電視台高層睇起就不得了

舞台劇演員湯駿業（Ah Dee）日前接受電台訪時，透露12年前曾推出過5張專輯，現打算重回歌手路推出新歌《知道一半的事》，又談及和王祖藍及梁嘉琪讀演藝學院的趣事：「王祖藍本身已好有才華、好有表演欲，頭一兩天上堂我乜都唔識，佢不斷扮聲，可以扮直升機、扮跑車。記得當時未畢業，祖藍、嘉琪、我、仲有6位好朋友去泰國旅行，講笑話我哋將來會被電視台高層睇起就不得了，但之後，呢啲事只發生喺祖藍、嘉琪身上。（羨慕祖藍？）唔會！每人際遇唔同，留喺舞台好適合我。」

問到18年來演出過廣受劇迷歡迎的經典劇目，可曾因一齣劇「蝕到喊」或「賺大錢」？身兼劇團行政總監的他坦言：「兩者都冇！」坦言做舞台劇不是為賺大錢，只是為了維生及同業有工開。