被寸劇多人唔紅 「最美黃蓉」李一桐霸氣反擊獲讚

2021年05月02日 11:11
東網電視
更多新聞短片
內地女星李一桐4年前憑住劇集《射鵰英雄傳》中飾演黃蓉一角爆紅,更被內地網民封為「最美的黃蓉」,仲榮獲「年度新銳劇星獎」,風頭一時無兩,之後佢食住個勢,劇接劇真係做到冇停手,好似有民初劇《海棠經雨胭脂透》、古裝劇《鶴唳華亭》、都市劇《了不起的女孩》同埋言情劇《我的時代,你的時代》,不過,全部都唔見佢有太多話題,好似唔太突出,就連拍住男星許凱依家播緊嘅《驪歌行》都唔被睇好。因為咁就係網上流傳李一桐等於「沒記憶點、永遠都不紅」嘅發文。
李一桐參加綜藝節目時話開頭見到呢哋留言都冇乜感覺,點知時間耐咗,周圍嘅人好似真係被洗腦一樣相信,佢仲提到睇個一段留言:「李一桐是憑本事不紅」,佢忍唔住喺節目中開聲反擊:「但是我想跟他們說,姐會憑本事,讓你們閉嘴。」呢段說話播出街之後,佢嘅霸氣態度獲唔少網民激讚,仲大讚佢好有魅力!