返港即見Honey!霍汶希激罕晒囡囡正面照又攬又錫

20210502
東網電視
更多新聞短片
有「金牌經理人」之稱嘅霍汶希(Mani)早前北上擔任大陸綜藝節目《乘風破浪的姐姐2》評判導師,隨住節目圓滿結束加上做埋其他工作後,佢同參加者兼感情好好嘅天后容祖兒都返咗香港,祖兒即刻送驚喜畀媽咪玩突襲,而Mani都終於可以見佢「Honey」喇!
呢位「Honey」就係佢愛女,Mani上載溫馨母女合照,見佢收花又向阿女獻吻,並留言:「終於返嚟見到我honey☺️當然要撐吓枱腳❤️真係好浪漫?」又話阿女大個啦,唔使媽媽揸機都識自拍!其實Mani一直甚少公開囡囡容貌,對上一次已經係1年幾前,新冠肺炎爆發時呼籲大家留在家嘅時候,今次晒出囡囡正面樣真係激罕,雖然只得半張面,但網民都大讚兩母女都咁靚呀!