「出關」密會小鮮肉！胡定欣玩強吻連環錫足3次

藝人胡定欣早前到內地拍攝新劇《白色強人II》，日前佢返港後近日「出關」，第一時間竟然係密會「小鮮肉」！佢喺社交網晒出與「小鮮肉」合照，其實佢係去咗探望陳山聰囝囝陳霆軒（Jaco），見佢抱起Jaco肉緊獻吻，仲連環錫足3次，不過Jaco同喺2月時見定欣一樣，嘴扁扁兼黑面，不為所動，係難得一張相先叫做微笑吓，相當搞笑！胡定欣留言表示：「Jaco仔，Auntie Nancy返嚟啦！錫啖先！你唔錫我，就我錫你㗎啦！Eeeee.....好肉緊呀！」