Gin Lee獲張學友大讚：非常有心嘅歌手！

今集的《勁歌金曲》是環球之夜，請來多位環球歌手做嘉賓，包括李幸倪（Gin Lee）、江海迦（AGA）、陳凱詠、曾比特、組合石山街及趙浚承等。在新環節中，可實現歌手的一個願望，Gin Lee自言兒時偶像是張學友，因為對方唱歌好聽又靚仔，學友特別拍了一段短片去鼓勵對方，大讚她：「基本功好好，係非常有心嘅歌手，希望佢大放光芒。」

Gary被批演繹麻麻

前組合Square出身的趙浚承（Gary），以新人身份再闖樂壇，他獻唱新歌《My World》，雖然獲Mr.的成員Ronny大讚唱出浪漫的感覺，但歌曲監製伍仲衡就認為他演繹得麻麻，更以自殺來形容：「首歌其實係可以好好聽，但你一定要唱得好，呢首歌嘅點題句係要用假音去唱，你唱得好係攞分，你唱得唔好係自殺，我覺得你頭先係自殺，而且係死得好快，係即死嗰隻，其實我覺得揀歌唱唔係一定要揀咁難，唔使鬥高音揀啲咁難唱嘅歌，真係會令自己失好多分。」