迪麗熱巴分享街拍變雜誌靚相絕技　角度係關鍵

內地人氣女星迪麗熱巴一出道就憑精緻五官成為焦點，人氣急升後劇接劇忙過不停，難得近期有假放，佢喺社交網分享咗幾張出遊嘅街拍相，佢仲大方分享點樣影到自己好似Model嘅絕技：「46度抬頭看鏡頭，妹妹們學會了嘛！」相中無論佢身處乜嘢場合，都使出「46度抬頭看鏡頭」呢招，睇落真係好似影緊雜誌封面咁。

雖然呢招睇落好簡單，有人跟住試不過效果就唔太理想，唔少網民留話迪麗熱巴影啲相咁靚根本唔關角度事，最重要係個人夠靚，咁就乜嘢角度影相都實有高質效果。