蕭亞軒被狗咬爛面仲未好　年底照喺台北開騷

台灣天后蕭亞軒與男友黃皓早前同被愛犬咬傷，受傷近3個月，佢曾經晒出恐怖疤痕，更直言要養皮，而黃皓就傷勢較輕，早就出院。不過蕭亞軒晒過一次傷勢後，佢再冇畀大家睇疤痕進展，每次都用手或戴口罩遮擋，令粉絲擔心唔知幾時佢先會回復靚樣。

雖然身體受皮外傷，但係據台灣傳媒透露，蕭亞軒有望於今年底喺台北小巨蛋舉行巡迴演唱會，重振聲勢。而佢對上一次嘅巡演已經係2019年嘅事，不過粉絲就擔心偶像健康，怕佢壓力大會影響皮膚復原效果。